(روزنامہ قدس ۔آن لائن خبر رساں ادارہ) عالمی ادارہ صحت ہلال احمر کے کارکنان نے بتایا کہ صہیونی پولیس نے آبادکاروں کے خلاف مظاہرے کے شرکاء کو اس بری طرح زدوکوب کیا کہ کئی فلسطینیوں کے جسم کی مختلف ہڈیاں ٹوٹ گئیں جبکہ آنسو گیس کے باعث درجنوں افراد بے ہوش ہو گئے۔
ذرائع کے مطابق گذشتہ روز قابض ریاست اسرائیل میں فلسطینی شہریوں نےجمعے کی صبح جنوبی نابلس میں واقع بیتا قصبے کے جبل الصبیح محلے میں نما ز کی ادائیگی کیلیے اکٹھا ہوئے اورنماز کے بعد صہیونی غیر قانونی آبادکاری کے خلاف احتجاج کی پر امن مارچ کا آغاز کیا جسے روکنے کے لیے صہیونی پولیس نے وہاں پہنچ کر نہتے شہریوں کو وحشیانہ تشدد کا نشانہ بنایا۔
صہیونی اہلکاروں کی جانب سے فلسطینیوں کو احتجاج سے روکنے کیلیے لاٹھی اور بندوق کے بٹوں سے بری طرح زخمی کیا گیا جبکہ مظاہرین کو منتشر کر نے کیلیے آنسو گیس کےشیل پھینکے گئے۔
اس موقع پر عالمی صحت کے ادارہ ہلال احمر کے کارکنان نے بتایا کہ صہیونی پولیس نے آبادکاروں کے خلاف مظاہرے کے شرکاء کو اس بری طرح زدوکوب کیا کہ کئی فلسطینیوں کے جسم کی مختلف ہڈیاں ٹوٹ گئیں جبکہ آنسو گیس کے باعث درجنوں افراد بے ہوش ہو گئے۔
صہیونی پولیس کے تشدد کا نشانہ بننے والے 23 سے زائد فلسطینیوں کو ہلا ل احمر اور دیگر امدادی ٹیموں کے ذریعے ہسپتالوں میں منتقل کر دیا گیا ہے جہاں انہیں طبی امداد فراہم کی جارہی ہیں۔