(روزنامہ قدس ۔آن لائن خبر رساں ادارہ) باب دمشق میں صہیونی فوجی آپریشن کے دوران فورسز نے بچوں کو بھی گرفتارکیا ہے جبکہ القدس کے مغرب میں مسکوبیہ کے مقام پر صہیونی تفتیشی مرکز میں زیر حراست افراد کو تشدد کا نشانہ بنایا جارہا ہے۔
ذرائع کے مطابق مقبوضہ فلسطین میں اسرائیلی قابض فوج کی پرتشددکارروائیوں کا سلسلہ تاحال جاری اور صہیونی فوج نےگھر گھر تلاشی کے دوران القدس کے مختلف علاقوں سے 33 سے زائد بے گناہوں کو حراست میں لے لیا ہے۔
قابض فوج نے باب دمشق میں فوجی آپریشن کے دوران بچوں کو بھی تشدد کا نشانہ بنایااورگرفتاری کے بعد مقبوضہ بیت المقدس کے مغرب میں واقع مسکوبیہ کے مقام پرقائم تفتیشی مرکز میں زیر حراست افراد کو تشدد کا نشانہ بنایا جارہا ہے۔
ذرائع نے بتایا کہ باب دمشق اور اس کے آس پاس کے زیر حراست افرادکو صہیونی فورسز پوچھ گچھ کے لیے اسی سیل میں جمع کر تی ہے تاہم اس وقت زیر حراست افراد میں زیادہ تر بچے ہیں جن میں سے کچھ کو مشروط طور پر رہا کیا گیا ہے جبکہ باقی بچوں اور نوجوانوں کی حراست میں توسیع کی خبریں موصول ہوئی ہیں۔