(روزنامہ قدس ۔آن لائن خبر رساں ادارہ) صہیونی فوجی ترجمان کے مطابق گرفتار فلسطینی نوجوانوں کے قبضے سے ایک چاقو اور دیسی ساختہ اسلحہ برآمد ہوا ہے اور یہ دونوں نوجوان صہیونی فوج پر حملے کے منصوبے کے تحت یہاں پہنچے تھے۔
ذرائع کے مطابق گذشتہ روز قابض فوج صہیونی فوج کی جانب سے دعویٰ کیاگیا ہے کہ غزہ کے محصور علاقے میں مزیددو فلسطینیوں کو سرحدی باڑ کے نزدیک سے حراست میں لیا گیا ہےاور ان پر باڑ کو غیر قانونی طور پر عبور کر نے کے الزامات عائد کیے ہیں۔
صہیونی فوجی ترجمان کے مطابق گرفتار فلسطینی نوجوانوں کے قبضے سے ایک چاقو اور دیسی ساختہ اسلحہ برآمد ہوا ہے اور یہ دونوں نوجوان صہیونی فوج پر حملے کے منصوبے کے تحت یہاں پہنچے تھے۔
دوسری جانب صیہونی فوج نے شمالی غزہ کی پٹی میں بیت حانون قصبے کے مشرق میں محدود فاصلے پردراندازی کی ہے جس میں اسرائیلی افواج کی متعدد گاڑیاں جن میں فوجی بلڈوزر بھی شامل تھےکے ذریعے فلسطینیوں کی زمینوں میں کئی سو میٹر تک اندر گھس آئےاور زمین کے ٹیلے توڑنے کے ساتھ کھدائی کی جبکہ وقفے وقفے سے فائرنگ کرکے خوف وہراس پھیلانے کی کوشش کی۔
خیال رہے کہ قابض صہیونی فوج غزہ کی پٹی کے شمال اور مشرق میں زرعی زمینوں پر حملہ کرتی ہےاورعلاقے پر قبضہ کر نے کےلیے کسانوں کو ان تک رسائی یا کاشت کاری سے روکتی ہے۔