(روزنامہ قدس ۔آن لائن خبر رساں ادارہ) صہیونی آبادکاروں نے رمضان المبارک کے دوران فلسطینی علاقوں اورخاص طور پرمقدس مقامات کو نشانہ بنانے کی اشتعال انگیز کارروائیاں کر کے مسلمانوں کیلیے ماہ مبارک کی عبادت کی گھڑیوں میں کشیدگی کی کوششوں میں اضافہ کردیا ہے۔
تفصیلات کے مطابق گذشتہ روزمقبوضہ مغربی کنارہے کے علاقے نابلس میں قابض صہیونی آبادکاروں کے ایک منظم گروہ نے حضرت یوسف علیہ السلام کے مزار مبارک میں داخل ہوکر فلسطینی زائرین کو زدوکوکوب کیا اور مقدس مقام کی بے حرمتی کی۔
صہیونی آبادکاروں نے رمضان المبارک کے دوران فلسطینی علاقوں اورخاص طور پرمقدس مقامات کو نشانہ بنانے کی اشتعال انگیز کارروائیاں کر کے مسلمانوں کیلیے ماہ مبارک کی عبادت کی گھڑیوں میں کشیدگی کی کوششوں میں اضافہ کر دیا ہے۔
دوسری جانب اسرائیلی فوجی ترجمان کی جانب سے الزام عائد کیا گیا ہے کہ فلسطینی باشندوں نے اسرائیلی افواج کے مقبوضہ مغربی کنارےسے فلسطینیوں کی گرفتاری کے لیے حالیہ آپریشن کے بعدیہودیوں کے ایک مذہبی احاطے میں توڑ پھوڑ کی ہے۔
اسرائیلی فوجی ترجمان کہا ہے کہ فلسطینیوں نے مغربی کنارے میں ایک یہودی مزار کو آگ لگا دی جو نابلس میں یہودیوں کے لیےایک عبادت گاہ کے طور پرمانا جاتا ہے۔
یاد رہے کہ مسلمانوں کے لیے ان دنوں رمضان کا مقدس مہینہ جاری ہے جبکہ عیسائیوں کے مذہبی تہوار ایسٹر میں بھی چند ہی روز باقی رہ گئے ہیں جبکہ یہودیوں کی چند اہم مذہبی تعطیلات بھی اب زیادہ دور نہیں، ایسے میں مقبوضہ مغربی کنارے میں نابلس میں مزار یوسفؑ جو تینوں مذاہب کے ماننے والوں کیلیے یکساں مقدس مقام ہے جس کی بے حرمتی تینوں مذاہب کے پیروکاروں کے لیے قابل مذمت ہو نی چاہیے۔