(روزنامہ قدس ۔آن لائن خبر رساں ادارہ) صہیونی فوج نے گھر گھر تلاشی کی مہم کے دوران شہریوں کو ان کے خاندان کے سامنے بد ترین تشدد کیا اور نامعلوم مقام پر منتقل کر دیاجس پر مقامی رہائشیوں نے احتجاج کیا اور اپنے علاقوں سے صہیونی فوج کو نکالنے کے لیےان پر پتھراؤ شروع کر دیا۔
تفصیلات کے مطابق گذشتہ روز مقبوضہ فلسطین میں صہیونی فوج نے جنین، الخلیل ، قلقیلیہ اور دیگر شہروں میں چھاپا مارکارروائیوں کے دوران فلسطینی مزدوروں سمیت درجنوں افراد کو حراست میں لے لیا۔
صہیونی فوج نے گھر گھر تلاشی کی مہم کے دوران شہریوں کو ان کے خاندان کے سامنے بد ترین تشدد کیا اور نامعلوم مقام پر منتقل کر دیاجس پر مقامی رہائشیوں نے احتجاج کیا اور اپنے علاقوں سے صہیونی فوج کو نکالنے کے لیےان پر پتھراؤ شروع کر دیا۔
فلسطینی نوجوانوں کی بڑی تعداد نے صہیونی گاڑیوں کو نشانہ بناتے ہوئے گاڑیوں کے شیشے توڑ ڈالے جس کے نتیجے میں مسلح اہلکاروں نے مظاہرین کو منتشر کر نے کیلیےآنسو گیس کی بھاری مقدار کا استعمال کیا جس سےمتعدد فلسطینیوں کو سانس گھٹنے کے مسائل کا سامنا کر نا پڑا اور 30 کے قریب شہری اپنی مدد آپ کے تحت ہسپتالوں میں منتقل کیے گئےجہاں انہیں طبی امداد فراہم کی جارہی ہے۔
خیال رہے کہ صہیونی ریاست میں قابض اسرائیلی فوج نے گذشتہ سال سے اب تک 1300 بچوں اور 184خواتین سمیت 8 ہزار فلسطینیوں کو حراست میں لیا اور انہیں بغیر مقدمے اور الزام کے صہیونی زندانوں میں زدوکوب کر نے کا سلسلہ جاری ہے۔