(روزنامہ قدس ۔آن لائن خبر رساں ادارہ) قابض فوج نے فلسطینی نوجوان کو اس وقت حراست میں لیا جب وہ اپنے خاندان کے ساتھ موجود تھامسلح اہلکاروں نے نوجوان کو وحشیانہ تشدد کر تے ہوئےاس پر کالعدم فلسطینی تنظیم سے تعلق کے بے بنیاد الزامات لگائے۔
اطلاعات کے مطابق مقبوضہ فلسطین میں قابض صہیونی اہلکاروں کے روزانہ کی بنیاد پر فلسطینی علاقوں میں چھاپہ مار مہم کے ذریعے نہتے شہریوں کو زدوکوب کرنا اور انہیں حراست میں لے کر نامعلوم مقامات پر منتقل کر نے کا سلسلہ جاری ہے جس کے باعث گذشتہ روز بھی مسلح اہلکاروں نے غرب اردن کے درجنوں علاقوں میں دہشت گردانہ انتقامی کارروائیوں میں فلسطینیوں کو مارا پیٹا اور انکی املاک تباہ کیں جبکہ الخلیل میں 24 سالہ نوجوان ایمن صبیح کو گرفتار کرلیا۔
قابض فوج نے فلسطینی نوجوان کے گھر پر اس وقت چھاپہ مارا جب وہ اپنے خاندان کے ساتھ موجود تھامسلح اہلکاروں نے نوجوان کو وحشیانہ تشدد کر تے ہوئےاس پر کالعدم فلسطینی تنظیم سے تعلق کے بے بنیاد الزامات لگائے اور حراست کے بعد نامعلوم مقام پر منتقل کر دیا۔
قابض فوج کی یہ پر تشددکارروائی الخلیل شہر میں صبح کے وقت ہو ئی جب سب افراد گھر میں سورہے تھے ، اب تک کی موصول ہونے والی اطلاعات کے مطابق صہیونی جیل انتظامیہ نے گرفتار فلسطینی نوجوان کے حوالےسے اس کے خاندان کو کسی قسم کی معلومات فراہم کر نے سے انکا رکردیا ہے جس کے باعث نوجوان کا خاندان اور اہل علاقہ کی جانب سے صہیونی جیل کے باہر احتجاجی دھرنا دیا گیا ہے۔