(روزنامہ قدس ۔آن لائن خبر رساں ادارہ) صہیونی فوج نے سابق فلسطینی قیدیوں کے گھروں پر دھا وا بو ل کر انہیں زدوکوب کیا اور اہل خانہ کو ہراساں کیا اور روائیتی توڑ پھوڑ کے ذریعے ان کی املاک کو شدید نقصان پہنچایا۔
ذرائع کے مطابق گذشتہ روز اسرائیلی قابض فوج نے مقبوضہ فلسطین کے علاقے جنین میں ایک قصبے یابود کے رہائشی تین سابق فلسطینی قیدیوں کو انکےگھروں پر چھاپہ مار کارروائی کے دوران گرفتار کرلیا۔
قابض فوج کے ہاتھوں بغیر کسی وجہ کے حراست میں لیے گئے فلسطینیوں کے نام مجدی عمارنا، یوسف مشارقہ اور انور عطاطرہ بتائے جاتے ہیں جنہیں صہیونی فورسز کے اہلکاروں نے ان کےخاندان کے سامنے وحشیانہ تشدد کا نشانہ بنایا اور کسی الزام کے بغیر ہی انہیں حراست میں لے کر نامعلوم مقام پر منتقل کر دیا۔
واضح رہے کہ قابض صہیونی فوج رہائی پانے والے فلسطینی قیدیوں کو بھی ان کی آزادی کے بعد سے ہی نظر میں رکھتی ہے اور چند روز کے دوران انہیں دوبارہ گرفتار کر کے صہیونی زندانوں میں کئی کی مہینوں کے لیے تشدد کا نشانہ بناتی ہے۔