(روزنامہ قدس ۔آن لائن خبر رساں ادارہ) فلسطینی اسیران کے مطالبے کا ساتھ دیتےہوئےذیابیطس ،ہائی بلڈ پریشر اور امراض قلب میں مبتلا فلسطینی قیدیوں نے بھی احتجاج کی پیروی کرتے ہوئےادویات اور طبی معائنے سے مکمل طور پر انکار کردیا ہے۔
فلسطینی قیدیوں کے امور سے متعلق کمیٹی قیدی کلب نےاپنے بیان میں کہا ہے کہ اسرائیلی فوجی عدالتوں کابائیکاٹ کرنے والے صہیونی زندانوں میں قید 600 سے زائدفلسطینیوں نے گذشتہ ماہ 1جنوری 2022 میں یہ احتجاج شروع کیا تھا جو اب 139ویں روز میں داخل ہو چکا ہے فلسطینی قیدیوں کا کہنا ہے کہ ہم اپنے حق سے پیچھے نہیں ہٹیں گے۔
قیدی کلب کے مطابق فلسطینی اسیران کے انتظامی قید کی غیر قانونی پالیسی کے تحت گرفتاری کے خلاف احتجاج کی پیروی کرتے ہوئےصہیونی جیلوں میں قید بیمارفلسطینیوں نےبھی بائیکاٹ کا اعلان کیا ہے اور جیلوں کے کلینک سے ادویات اور طبی معائنے سے مکمل طور پر انکار کر دیا ہےجس کے باعث بیمار فلسطینی قیدی کئی روز سے دوا کے بغیر گزاررہے ہیں اور ان میں کئی قیدی شوگر، بلڈ پریشر اور دل کے امراض کا شکار ہیں اور ان کا مطالبہ ہے کہ جیلوں سے بے گناہ فلسطینیوں کو آزادی دی جائے۔