(روزنامہ قدس ۔آن لائن خبر رساں ادارہ) گھات لگا کر فلسطینی شہری پر حملہ کر نے والے صہیونی دہشت گردوں نے چہرے چھپائے ہوئے تھے، انہوں نے گاڑی میں سوارعبدالرحیم پر زبردست فائرنگ کی جس کے نتیجے میں ان کی شہادت ہوئی۔
تفصیلات کے مطابق گذشتہ روز مقبوضہ فلسطین کے 1948ء کے علاقے قلنسوہ میں صہیونی ریاستی دہشتگردی کا نشانہ بناتے ہوئے انتہا پسندعناصر نے فلسطینیوں کو ہراساں کر نے کے لیے بغیر کسی وجہ کے ایک 50 سالہ شہری عبدالرحیم عبدالطیف سلامہ پر اس وقت فائرنگ کی جب وہ اپنے گھر آرہے تھے۔
گھات لگا کر فلسطینی شہری پر حملہ کر نے والے صہیونی دہشت گردوں نے چہرے چھپائے ہوئے تھے اور انہوں نے گاڑی میں سوار عبدالرحیم پر زبردست فائرنگ کی جس کے نتیجے میں عبدالرحیم سلامہ شدید زخمی ہو گئے بعد ازاں فلسطینیوں نے اپنی مدد آپ کے تحت شدید زخمی حالت میں انہیں ہسپتال پہنچایا جہاں زخموں کی تاب نہ لاتے ہوئے سلامہ خالق حقیقی سے جا ملے۔
فلسطینی وزارت صحت کی جانب سے عبدالرحیم عبداللطیف سلامہ کی شہادت کی تصدیق کردی گئی ہےجبکہ دیگر فلسطینی تنظیموں نے سلامہ کی شہادت پر اپنے مذمتی بیان میں کہا ہے کہ ایک طرف تو صہیونی شر پسندوں نے سنہ 1948ء کے مقبوضہ فلسطینی علاقوں میں قتل و غارت گری کا بازار گرم کر رکھا ہےاور منظم انداز میں فلسطینیوں کی نسل کشی کی جارہی ہےدوسری طرف اسرائیلی پولیس اور قانون نافذ کرنے والے صہیونی ادارے دانستہ طورپر ان جرائم پر خاموش تماشائی بنے ہوئے ہیںجس کے سامنے اب مزید خاموش نہیں رہا جا سکتا۔