(روزنامہ قدس ۔آن لائن خبر رساں ادارہ) رمزی اعودہ نے کہا کہ صہیونی ریاست کی ریاستی دہشت گردی کے خلاف برسر پیکار فلسطینیوں کے منصوبے کو مضبوط کرنےاور فلسطینی عوام کے ساتھ موریتانیہ کی یکجہتی مہم کو تقویت دینے کیلیے ہر ممکن کوشش اور استقامت کے ساتھ کام کریں گے۔
ذرائع کے مطابق قابض ریاست کے فلسطینیوں پرجاری مظالم اور ریاست سے تعلقات کو معمول پر لانے کےخلاف موریتانیہ میں یکجہتی مہم کااعلان کیا گیا ہے جس میں بین الاقوامی تعلیمی مہم کے سکریٹری جنرل رمزی عودہ نے موریتانیہ کی انسانی حقوق کی تنظیموں اور ماہرین تعلیم کی طرف سے فلسطینیوں کے حق کی حمایت اور اسرائیل کے ساتھ تعلقات معمول پر لانے اور نسل پرستی کی مخالفت میں کی جانے والی کوششوں کی اہمیت پر زور دیا۔
سکریٹری جنرلرمزی عودہ نے مہم کی طرف سے جاری بیان میں کہا ہے کہ صہیونی ریاستی دہشت گردی کےخلاف برسر پیکار مزاحمت کو مضبوط کرنے اور فلسطینی عوام کے ساتھ موریتانیہ کی یکجہتی مہم کو تقویت دینے کے لیے ہر ممکن کوشش اور استقامت کے ساتھ کام کریں گے۔