(روز نامہ قدس ۔آنلائن خبر رساں ادارہ) غزہ کے شہری دفاع کے ترجمان محمود بسال نے انکشاف کیا ہے کہ 5 اکتوبر سے اب تک شمالی غزہ میں اسرائیلی قبضے کے باعث 4000 افراد شہید اور لاپتہ ہو چکے ہیں، جبکہ 12000 زخمی ہوئے ہیں۔
شمالی غزہ میں قتل عام اور نسلی تطہیر کی جاری مہم کے نتیجے میں شہری دفاع کی خدمات کے مکمل طور پر بند ہونے کا خطرہ پیدا ہو گیا ہے، کیونکہ ضروری آلات اور ایندھن کی قلت شدت اختیار کر رہی ہے۔
بسال نے مزید بتایا کہ صیہونی افواج نے 72 فائر اور ایمبولینس گاڑیوں میں سے 40 کو تباہ کر دیا ہے، جس کے بعد باقی گاڑیاں بھی ناقابل استعمال ہو چکی ہیں۔ انہوں نے اقوام متحدہ اور انسانی ہمدردی کی تنظیموں سے اپیل کی کہ وہ فوری طور پر امداد فراہم کریں، جنگ بندی کو یقینی بنائیں اور تمام کراسنگ پوائنٹس کھول کر انسانی امداد تک رسائی ممکن بنائیں، تاکہ بگڑتے حالات کو سنبھالا جا سکے۔