لبنان سے اسرائیل پر میزائلوں کی بارش

(روز نامہ قدس ۔آنلائن خبر رساں ادارہ )    حزب اللہ نے چند گھنٹوں میں  اسرائیل کے مختلف علاقوں پر  150 سے زائد میزائل داغے جس میں سے بعض کو صیہونی فوج کے فضائی دفاعی  نظام نے روک لیا تاہم بہت سے میزائل   صیہونی ریاست میں گرنےمیں کامیاب  ہوگئے۔

غیر قانونی صیہونی ریاست اسرائیل  کے میڈیا  نے  اطلاع دی ہے کہ  اسرائیلی فوج نے گذشتہ روز جنوبی لبنان میں حزب اللہ کے ایک سینئر کمانڈر کی ہلاکت کے بعد لبنان سے شمالی اسرائیل پر تقریباً 150  میزائل فائر کیے گئے۔

فوج نے ایک بیان میں کہا، "چند گھنٹوں میں لبنان سے اسرائیل  پر 150 سے زائد میزائل داغے گئےجس میں سے  بہت کو اسرائیل کے فضائی دفاعی نظام آئرن ڈوم نے فضا میں تباہ کردیا جبکہ بہت  سے اسرائیل پہنچنے میں کامیاب ہوگئےجس کے باعث  بڑے علاقے میں آگ لگ گئی تاہم کسی جانی نقصان کی اطلاع نہیں ملی۔