(روز نامہ قدس ۔آنلائن خبر رساں ادارہ ) فلسطینی مزاحمت کاروں نے غیر قانونی صہیونی بستی پربھی فائرنگ کی جس سے آبادکاروں کے گھروں کو نقصان پہنچا اور شدید خوف ہراس پھیل گیا۔
غیر قانونی صہیونی ریاست اسرائیل کے میڈیا نے رپورٹ کیا ہے کہ گذشتہ روز مقبوضہ مغربی کنارے کے مختلف علاقوں میں فلسطینی مزاحمت کاروں نے اسرائیلی فوج اور صہیونی آبادکاروں پر حملے کئے جس میں ایک صہیونی فوجی سمیت دیگر آبادکارزخمی جبکہ کئی گاڑیوں اور گھروں کو نقصاپہنچا۔
مزاحمتی کارکنوں نے جنین کے جنوب مغرب میں واقع "شیکڈ” بستی کی طرف فائرنگ کی جس سے آباد کاروں کے متعدد گھروں کو نقصان پہنچا۔
مزاحمتی نوجوانوں نے سلفیت کے شمال مغرب میں حارث گاؤں کے قریب آباد کاروں کی گاڑیوں پر بھی پتھراؤ کیا۔الخلیل میں نوجوانوں نے شہر کے شمال میں العروب کیمپ کے قریب آباد کاروں کی بس اور گاڑیوں پر پتھراؤ کیا۔