(روز نامہ قدس ۔آنلائن خبر رساں ادارہ ) فلسطینی مزاحمت کاروں نے اعلان کیا ہے کہ صہیونی دشمن کو اس کے مظالم کی قیمت ہر سطح پر چکانا پڑے گی، قابض دشمنوں کے لئے نئے انداز کی موت کے مختلف طریقے تیار کئے رکھے ہیں۔
فلسطین کے مقبوضہ مغربی کنارے کے شمالی شہرجنین میں فلسطینی مزاحمتی تحریکوں کے عسکری ونگز جن میں القسام بریگیڈز، الاقصیٰ شہداء بریگیڈز، القدس بریگیڈز اور دیگر مزاحمتی گروپوں شامل تھے میں فلسطینی شہدا ء کی یادگاری تقریب کے دوران صہیونی دشمنوں کو للکارتے ہوئے اعلان کیا ہے کہ فلسطینیوں کے خلاف ایک ایک ظلم کا گن گن کر بدلہ لیا جائے گا۔
یہ بھی پڑھیے
صہیونی فوج کی دہشتگردی، خواتین اور بچوں سمیت متعدد فلسطینی گرفتار
مجاھدین نے قابض اسرائیلی دشمن فوج کو مخاطب کرتے ہوئے اپنے پیغام میں کہا ہے کہ مجاھدین نے دشمن کے لیے کئی طرح کی موت کے طریقے اختیار کررکھے ہیں۔ دشمن کو اس کی جارحیت کی قیمت چکانا پڑے گی۔
مزاحمت کاروں نے قابض حکومت کو خبردار کیا ہے کہ وہ مجاھد قیادت کے نئے قتل کے ارتکاب یا کیمپ پر دھاوا بولنے کی حماقت نہ کرے ، بیان میں مجاھدین کا مزید کہنا تھا کہ مجاھدین دشمن کے خلاف اپنی صفیں منطم کریں اور صہیونی دشمن کے خلاف بھرپور مزاحمت کی جائے گی ۔
اس تقریب میں قابض فوج کی طرف سے اشتہاری قرار دیے گئے فتحی حازم اور شہدا کے اہل خانہ کی بڑی تعداد نے شرکت کی جبکہ مختلف عسکری ونگز سے تعلق رکھنے والے درجنوں نقاب پوش بندوق برداروں نے اس تقریب میں شرکت کی۔
انہوں نےقابض دشمن کےنام اپنے پیغام میں کہا کہ ہم نے اپنے کیمپ کے اندر سے تمہارے لیے طرح طرح کی موت تیار کر رکھی ہے۔ ہم نے کافی پودے لگائے ہیں۔ آپ کے فوجیوں کو شکست دینے کے لیے دھماکہ خیز مواد نصب کیا ہے اور مزاحمت کے کئی دوسرے طریقے استعمال کیے ہیں۔انہوں نے مزید کہا کہ اگلی جنگ میں آپ کو ہر جگہ زخم ملیں گے۔