(روز نامہ قدس ۔آنلائن خبر رساں ادارہ ) القدس بریگیڈ کی جانب سے ردعمل کے اعلان کے بعد اسرائیلی فوج میں شدید شدید خوف و ہراس ہے جس کے باعث غزہ چاروں جانب سیکیورٹی ہائی الرٹ ہے۔
تفصیلات کے مطابق مقبوضہ فلسطین میں غاصب صہیونی ریاست اسرائیل کے مظالم کے خلاف برسرپیکار جہاد اسلامی کے سینئر رہنما کی الشیخ بسام السعدی کی غیر قانونی گرفتاری کے بعد ردعمل کے اعلان کے بعد اسرائیلی فوج میں شدید خوف و ہراس پایا جارہا ہے، اسرائیلی فورسز نے گذشتہ 14 سالوں سے محاصرے کا شکار شہر غزہ کے قریب سے گذرنے والی تمام ٹرینیں اور گاڑیوں کو روک دیا ہے جبکہ غزہ سے ملانے والی تمام راہداریوں کو بھی بند کردیا ہے۔ غزہ کے سرحدی اور ساحلی علاقے میں اس طرح کی ہائی الرٹ پوزیشن مسلسل چار دن سے جاری ہے۔
یہ بھی پڑھیے
شرپسندصیہونیوں کے اشتعال انگیز دھاؤوں سے قبل صیہونی ریاست ہائی الرٹ
اسرائیلی فوج نے غزہ کے ساحلی علاقے میں مچھلیاں پکڑنے پر پابندی لگانے کے علاوہ غزہ کے نزدیک سے گذرنے پر بھی پابندی عائد کررکھی ہے ۔
واضح رہے کہ الشیخ بسام السعدی کی غیر قانونی گرفتاری پرجہاد اسلامی کی جانب سے شدید ردعمل دینے کا اعلان کیا گیا ہے۔