(روز نامہ قدس ۔آنلائن خبر رساں ادارہ ) صہیونی پولیس معمول کے گشت پر تھی اس دوران مزاحمت کاروں کی جانب سے حملہ ہوا، پولیس کی گاڑی مزحمت کاروں کے خوف سے موقع سے فرار ہوتے ہوئے ڈھلان سے گر گئی۔
فلسطینی ذرائع کے مطابق آج صبح اسرائیلی فوج نے فلسطینی علاقوں میں تلاشی کے نام پر لوٹ مار شروع کی اس دوران فلسطینی نوجوانوں کی جانب سے شدید مزاحمت کاسامنا کرنا پڑا، اسرائیلی فوج اور مزاحمت کاروں کے درمیان شدید تصادم جاری تھا اس دوران اسرائیلی پولیس کی گاڑی جو ضلع سلفیت کے مقام پر معمول کے گشت پر تھی داخل ہوئی۔
اسرائیلی پولیس کی گاڑی بھی مزاحمت کاروں کا نشانہ بنی جس کے بعد گاڑی میں موجود پولیس اہلکاروں نے گاڑی کو تیزی سے دور لے جانے کی کوشش کی اور اس کوشش کے دوران گاڑی بے قابو ہوکر ڈھلان سے نیچے گرگئی، فوری طورپر کسی کے ہلاک ہونے یا زخمی ہونی کی کوئی اطلاع موصول نہیں ہوئی ۔