(روزنامہ قدس ۔آن لائن خبر رساں ادارہ) قابض فورسز نے صہیونی آبادکاروں کو فلسطینی عبادت گذاروں پر مذہبی اشتعال انگیزی پھیلانے سے روکنے کے بجائے انہیں آپس کے تصادم کے موقع فراہم کیے۔
ذرائع سے موصولہ اطلاعات کے مطابق گذشتہ روز بھی قابض ریاست اسرائیل میں صہیونی فوج کی سرپرستی میں شر پسند آبادکاروں کےمنظم گروپ نے مسجد اقصیٰ پر دھاوا بولا اور مقدس مقامات کی بے حرمتی کی۔
قابض فورسز نے صہیونی آبادکاروں کو فلسطینی عبادت گذاروں پر مذہبی اشتعال انگیزی پھیلانے سے روکنے کے بجائے انہیں آپس کے تصادم کے موقع فراہم کیے جس کے باعث آبادکار آزادانہ ان مقامات پر گھومتے پھرتے رہے جو صرف فلسطینیوں کی عبادت کے لیے مختص کیے گئے تھے۔
قبلہ اول مسلمانوں کا تیسرا اور مقدس ترین مذہبی مقام ہے جس کی اہمیت کو جانتے ہوئے صہیوی آبادکار جنہیں اسرائیلی حکام اور فورسز کی مکمل پشت پناہی ملی ہوئی ہے آئے روز دھاوے بول کرمسلمانوں کو مذہب کے نام پر مشتعل کر کے تصادم کے دوران بڑی تعداد میں گرفتاریوں کیلیے استعمال کر تے ہیں۔