(روزنامہ قدس ۔آن لائن خبر رساں ادارہ) سعودی وزارت خارجہ کا کہنا ہے کہ اسرائیل کی مسجد اقصیٰ کے خلاف منظم چڑھائی کو مسجد اقصیٰ اور مسلمانوں کے دلوں میں اس کی قدر ومنزلت کی صریح توہین ہے، عالمی برادری اس سلسلے میں اپنا کردار ادا کرے۔
ذرائع کے مطابق گذشتہ روز مقبوضہ بیت المقدس میں قبلہ اول پر صہیونی فوجی حملے میں نمازیوں پر مسجد اقصیٰ کے دروازے بند کرنے اور اندرونی و بیرونی کمپاؤنڈ کے احاطے میں روزے داروں کے خلاف جارحیت پر سعودی عرب کی جانب سے شدید مذمتی بیان جاری کیا گیاہے۔
سعودی وزارت خارجہ نے القدس پراس صہیونی حملے کوناقابل قبول قرار دیتے ہوئے کہا ہے کہ صہیونی فوج کے مظالم بین الاقوامی قوانین اور معاہدات کی کھلی خلاف ورزی ہیں۔
ان کا کہنا ہے کہ اسرائیل کی مسجد اقصیٰ کے خلاف منظم چڑھائی کو مسجد اقصیٰ اور مسلمانوں کے دلوں میں اس کی قدر ومنزلت کی صریح توہین ہے، عالمی برادری کو اس سلسلے میں اپنا کردار ادا کرنے کی ضرورت ہے۔
سعودی وزارت خارجہ نے بین الاقوامی برادری سے اپیل کی کہ وہ نہتے فلسطینیوں کے حقوق، مقدسات کی توہین اور مشرق وسطیٰ میں امن عمل کی خلاف ورزی پر مبنی جرائم کے حوالے سے قابض صہیونی ریاست اسرائیل عالمی عدالت میں جوابدہی کیلیے اپنا کردار ادا کرے۔