(روزنامہ قدس ۔آن لائن خبر رساں ادارہ) صہیونی آباد کار مسجد اقصیٰ کی حرمت کو پامال کرنے والے اشتعال انگیز اقدامات کرتے ہیں تاکہ فلسطینیوں کےساتھ جھڑپوں کا آغاز ہو اور بے گناہ شہری اسرائیلی جیلوں میں قید کیے جائیں۔
مقامی خبر رساں ادارے کے مطابق مقبوضہ بیت المقدس میں گذشتہ روز بھی صہیونی شر پسند آبادکاروں کی جانب سے مسجد اقصٰی پر ایک مرتبہ پھر دھاوا بولا گیا اور درجنوں صہیونی آباد کاروں اور اسرائیلی طلباء نے انٹیلی جنس اہلکاروں کی سرپرستی میں قبلہ اول میں جوتوں سمیت داخل ہوکر اشتعال انگیز چکر لگائے اورمقدس مقامات کی بے حرمتی کی۔
شر پسندآباد کاروں کا منظم گروہ مراکشی دروازے سے مسجد اقصیٰ کے صحن میں داخل ہوااور صہیونیوں کو مزعومہ ہیکل سلیمانی کے بارے میں مذہبی بریفنگ بھی دی گئی۔
قابض اہلکارں نے صہیونی انتہا پسندوں کو مکمل حفاظتی حصار فراہم کیا جس کے نتیجے میں شرانگیز آبادکاروں نے مسجد میں موجود نمازیوں کو بلا جواز پریشان کیا اور انہیں مذہبی اشتعال انگیز فقروں کے ذریعے مشتعل کر نے کی کوشش کی۔
یاد رہے کہ صہیونی آباد کار مسجد اقصیٰ پر دھاوے بولتے اور تلمودی تعلیمات کے مطابق مسجد اقصیٰ کی حرمت کو پامال کرنے والے اشتعال انگیز اقدامات اور حرکات کرتے ہیں تاکہ فلسطینیوں کو اشتعال دلاکر جھڑپوں کا آغاز ہو اور بے گناہ فلسطینی اسرائیلی جیلوں میں قید کیے جائیں۔