(روزنامہ قدس ۔آن لائن خبر رساں ادارہ) فلسطینی نمازیوں کو مذہبی اشتعال انگیزی پر اکسانے والے ان صہیونی شر پسندوں کےساتھ یہودی طلبہ اور انٹیلی جنس اہلکار بھی تھے جنہوں نے موقع پر موجود فلسطینیوں کو زدوکوب کیا اور ان کی عبادت میں خلل ڈالا۔
ذرائع کے مطابق مقبوضہ بیت المقدس میں صہیونی آبادکاروں نے قبلہ اول پر ایک بار پھر دھاوا بو ل دیا جس کے لیے سینکڑوں کی تعداد میں صہیونی شر پسندوں نےمراکشی دروازے سے مسجد میں داخل ہو کر اسرائیلی فوج کی نگرانی میں مقدس مقامات کی بےحرمتی کی ۔
فلسطینی نمازیوں کو مذہبی اشتعال انگیزی پر اکسانے والے ان صہیونی شر پسندوں کےساتھ یہودی طلبہ اور انٹیلی جنس اہلکار بھی تھے جنہوں نے موقع پر موجود فلسطینیوں کو زدوکوب کیا اور ان کی عبادت میں خلل ڈالا۔
واضح رہے کہ فلسطینی محکمہ اوقاف کے عالمی دباؤ کے بار بار کے مطالبے کے باوجود صہیونی آباد کاروں کے یہ دھاوے شدت اختیار کر گئے ہیں اور اب تک متعدد مرتبہ صہیونی شر پسند مسلمانوں کے تیسرےاور اہم ترین مقدس مقام کی حرمت کو پامال کر چکے ہیں۔