چار خواتین سمیت متعدد فلسطینی صحافی تاحال صیہونی قید میں

 (روز نامہ قدس ۔آنلائن خبر رساں ادارہ ) صیہونی فوج نے مقبوضہ  مغربی کنارے میں متعددصحافیوں اورسماجی کارکنان کوانتظامی حراست کی غیرقانونی پالیسی کے تحت گھروں میں نظربندکررکھاہواہے۔

آزادی صحافت کے عالمی دن کے موقع پر فلسطینی اسیران کلب کی جانب سے جاری رپورٹ میں انکشاف کیا ہے کہ غیر قانونی صیہونی ریاست کی نام نہاد فوج فلسطینی صحافیوں کو انتہائی مشکل حالات میں گرفتار کرکے انہیں اظہار رائے کے حق سے محروم کر رہی ہے۔

غزہ میں  جبری طور پراغواء کیے گئے ہزاروں شہریوں میں کئی مرد اور خواتین صحافی بھی شامل ہیں جنہیں تا حال رہا نہیں کیا گیا۔گرفتار خواتین صحافیوں میں اخلاص صوالحہ، رولا حسنین، بشریٰ الطویل اور اسماء ہریشن شامل ہیں۔

کلب نے نشاندہی کی کہ قابض حکام نے "خفیہ فائل” کی موجودگی کے بہانے انتظامی حراست کی پالیسی کا استعمال کیا جس نے 7 اکتوبر کے بعد ہزاروں شہریوں کو گرفتار کیا گیا.

اسیران کلب نے نشاندہی کی کہ غزہ سے چار صحافی اب بھی جبری گمشدگی کا شکار ہیں جن میں نضال الوحیدی اور ہیثم عبدالوحید شامل ہیں جنہیں جارحیت کے آغاز میں گرفتار کیا گیا تھا اس کے علاوہ صحافی محمود زیاد علیوا اور محمد صابر عرب بھی شامل ہیں جنہیں غزہ کے الشفاء ہسپتال سے گرفتار کیا گیا تھا۔