(روزنامہ قدس ۔آن لائن خبر رساں ادارہ) حماس رہنما نے کہا کہ صہیونی انتہا پسندوں میں ایک بار پھر رمضان المبارک سے قبل اشتعال انگیزی کی ترغیبات واضح ہیں تاہم فلسطینی قوم قبلہ اول کےدفاع کی صلاحیت رکھتی ہے اورہم مقدسات کےدفاع کےلیے تیار ہیں۔
مقبوضہ فلسطین میں صہیونی ریاستی دہشت گردی کےخلاف بر سر پیکار اسلامی تحریک مزاحمت حماس نے اپنے جاری بیان میں اسرائیل کو خبردار کیا ہے کہ القدس میں صہیونی مظالم میں شدت اور مسجد اقصیٰ پر آبادکاروں کے دھاوؤں کا سلسلہ خطر ناک سازش کی نشاندہی کر رہاہے جو خود اسرائیل کے لیے آگ میں کودنے کے برابر ہے۔
حماس کے سینیر رہنما شاکرعمارہ نے کہا ہے کہ مسلمانوں کے قبلہ اول کےحوالے سے صہیونی سازش نئے حالات پیدا کر رہی ہے اور مسجد اقصیٰ کے تاریخی اور قانونی اسٹیس کو تبدیل کر نے کی کوششیں جاری ہیں جو صہیونی حکمرانوں کیلیے آگ سے کھیلنے کے مترادف ہے، انہوں نےمزید کہا کہ دوسری جانب صہیونی انتہا پسندوں میں ایک بار پھر رمضان المبارک سے قبل اشتعال انگیزی کی ترغیبات واضح ہیں تاہم فلسطینی قوم قبلہ اول کےدفاع کی صلاحیت رکھتی ہے اورہم اپنی تمام مقدسات کےدفاع کے لیے ہر قسم کی قربانی دینے کے لیے تیار ہیں۔