جنوبی لبنان: اسرائیل کا حزب اللہ کے نصف فیلڈ کمانڈروں کو شہید کرنے کا دعویٰ

(روز نامہ قدس ۔آنلائن خبر رساں ادارہ ) کہ جنوبی لبنان میں حزب اللہ کے آدھے لیڈروں کو ختم کر دیا گیا، یہ وہ لوگ ہیں جو جارحانہ کارروائی کے ذمہ دار تھے۔

اسرائیل کے وزیر دفاع یوو گیلنٹ نے اپنے دورے کے دوران کمانڈ کے کمانڈر میجر جنرل اوری گورڈین اور انٹیلی جنس آپریشنز اور فائر فائٹنگ افسران کے ساتھ آپریشنل امور پر بات چیت کرتے ہوئے دعویٰ کیا ہے کہ صیہونی فوج نے جنوبی لبنان میں  جارحانہ کارروائیاں جاری رکھی ہوئی ہیں  اور اس دوران  حزب اللہ کے تقریباً نصف فیلڈ کمانڈروں کو ختم کر دیا گیا ہے۔

انھوں نے کہا کہ آنے والا دور فیصلہ کن ہو گا جن کمانڈروں کو ختم کیا گیا ہے ان کی وجہ سے اسرائیل کے شہریوں کو نقصان پہنچا باقی نصف رہنما چھپے ہوئے ہیں اور جنوبی لبنان کو اسرائیلی فوجی کارروائی کے لیے کھلا چھوڑ دیا گیا ہے۔

انہوں نے مزید کہا کہ اسرائیلی کارروائیوں کا بنیادی مقصد شمالی اسرائیل کے باشندوں کو ان کے گھروں میں واپس لانا ہے۔

 دریں اثنا اسرائیلی فوج کے ترجمان نے اعلان کیا کہ اس نے جنگی طیاروں اور توپ خانے سے چند منٹوں کے اندر جنوبی لبنان کے قصبے عیتا الشعب میں حزب اللہ کے تقریباً 40 اہداف کو نشانہ بنایا ہے۔ ان اہداف میں حزب اللہ کے لیے ہتھیار ذخیرہ کرنے اور پارٹی کے بنیادی ڈھانچے کی سہولیات شامل تھیں۔