(روزنامہ قدس ۔آن لائن خبر رساں ادارہ) ذرائع نے بتایا کہ کویت کی اس مارکیٹ میں ایسی مصنوعات فروخت کی جا رہی تھیں جن پر’ڈیوڈ اسٹار‘ کا واضح نشان موجود تھااور یہ نشان اسرائیلی مصنوعات کی علامت سمجھا جاتا ہے۔
ذرائع سے موصولہ اطلاعات کے مطابق قابض اسرائیل کی مصنوعات کا بائیکاٹ کرتے ہوئے خلیجی ریاست کویت کی وزارت تجارت کی جانب سے فلسطینیوں کے حق میں ایک مثبت قدم اٹھاتے ہوئےجنوبی کویت میں فروانیہ کے مقام پر ایک مرکزی بازار کی جوتوں کی دکانوں کو سیل کردیا گیا ہے جہاں متنازع اسرائیلی مصنوعات کی فروخت جاری تھی۔
ذرائع نے بتایا کہ کویت کی اس مارکیٹ میں ایسی مصنوعات فروخت کی جا رہی تھیں جن پر’ڈیوڈ اسٹار‘ کا واضح نشان موجود تھا اور یہ نشان اسرائیلی مصنوعات کی علامت سمجھا جاتا ہے۔
اس حوالے سے کویتی وزارت صنعت وتجارت نے بھی اپنے پریس بیان میں کہا ہے کہ "وزارت نے ریاست کے عوامی نظم و ضبط کی خلاف ورزی کرتے ہوئے جوتوں کی نمائش کےلگائے گئے بازار کے خلاف اس وقت کارروائی کی جب وہاں پر اسرائیلی مصنوعات کی فروخت کا پتہ چلا اور ان دکانوں کے خلاف قانونی طریقہ کار کے مطابق کارروائی شروع کردی گئی ہے۔
کویت کی وزارت تجارت نے اپنے آفیشل ٹویٹر پیج پر ایک جوتے کی تصویر بھی جاری کی ہے جس پر "اسٹار آف ڈیوڈ” واضح دیکھا جا سکتا ہےجو کہ اسرائیلی ریاست کے جھنڈے کی نشانی اور یہودیوں کی اہم مذہبی علامت ہے۔