(روز نامہ قدس ۔آنلائن خبر رساں ادارہ ) غاصب صیہونی فوج کی جانب سےجاری دہشتگردانہ کارروائیوں میں 48 سالہ امجد ابو کاس گذشتہ روز سے اب شہید ہونےوالوں میں شامل ہیں۔
فلسطینی وزارت صحت کی طرف سے جاری کردہ تحریری بیان میں انکشاف کیا گیا ہے کہ گذشتہ روز سے مقبوضہ مغربی کنارے کے شہر جنین میں غیر قانونی صیہونی ریاست اسرائیل کی جانب سے فلسطینیوں کے گھروں میں چھاپہ مار دہشتگردانہ کارروائیاں جاری ہیں جس کے بعد غاصب صیہونی دشمنوں اور فلسطینیوں کے درمیان پرتشدد جھڑپوں کا سلسلہ بھی جاری ہے جس میں آج 48 سالہ امجد ابو کاس شہید ہوگیا ہے جس کے بعد جنین میں اسرائیلی حملے میں جان کی بازی ہارنے والے فلسطینیوں کی تعداد 6 ہوگئی ہے۔
واضح رہے کہ 26 جنوری کو غاصب صیہونی دشمنوں کی کارروائیوں میں شہید ہونے والے امجد ابوکاس کا 22 سالہ بیٹا وسیم ابو کاس بھی شہید ہوچکا ہے۔