(روز نامہ قدس ۔آنلائن خبر رساں ادارہ ) غاصب فوج نے فلسطینیوں کے گھروں میں لوٹ مار کے ساتھ رہایشیوں کو تشدد کا نشانہ بنایا جس کے بعد پرتشددجھڑپیں شروع ہوئیں۔
(فلسطینی پریس ایجنسی) کی جانب سے جاری کردہ تصاویر اور رپورٹ کے مطابق مقبوضہ مغربی کنارے کے شہر جنین کے مغرب میں واقع قصبے اليامون میں غیر قانونی صیہونی ریاست کی نام نہاد فوج نے چھاپہ مار کارروائی شروع کی اس دوران فلسیطنیوں کے گھروں میں روایتی لوٹ مار کے ساتھ مکینوں کو تشدد کانشانہ بنایا جس کے ردعمل میں فلسطینی نوجوانوں نے صیہونی دشمنوں پر سنگ باری کی۔
غاصب فوج نے مظاہرین کو منتشرکرنے کے لئے طاقت کا بھرپوراستعمال کرتےہوئے براہ راست فائرنگ کی جس کےنتیجے میں متعدد فلسطینی زخمی ہوگئے۔
طبی ذرائع کےمطابق 13 زخمیوں کو اسپتال لایا گیا ہے جس میں سے دو نوجوانوں کو چار چار گولیاں لگیں ہیں جو اس وقت انتہائی تشویشناک حالت میں زیر علاج ہیں۔