جنین : صیہونی فوج کی دہشتگردی : بچے سمیت 7 شہید متعدد زخمی

(روز نامہ قدس ۔آنلائن خبر رساں ادارہ ) صیہونی فوج نے مقبوضہ بیت المقدس کے مختلف علاقوں میں چھاپہ مارکارروائیاں کی مکینوں کو تشدد کا نشانہ بنایا اور گھروں میں روایتی لوٹ مار کی جس کےردعمل میں فلسطینی نوجوانوں نے غاصب فوج پر حملہ کیا ۔
فلسطینی وزارت صحت کی جانب سے جاری بیان میں بتایاگیا ہے کہ غیرقانونی صیہونی ریاست نے مقبوضہ بیت المقدس کے مختلف علاقوں میں دہشتگردانہ کارروائیوں کا سلسلہ جاری رکھا ہوا ہے ، آج صبح غاصب فوج نے جنین کے مختلف علاقوں میں گھر گھر تلاشی اور گرفتاریوں کا سلسلہ شروع کیا جس کے ردعمل میں فلسطینی نوجوانوں نے غاصب فوج پر پتھراؤ کیا ۔
صیہونی فوج نے طاقت کا بھرپور استعمال کرتے ہوئے فائرنگ کی جس کے نتیجے میں ایک بچے سمیت 7 فلسطینی شہید ہوگئے ۔
جینین گورنمنٹ ہسپتال کے ڈائریکٹر وسام بکر نے بتایا کہ شہید ہونے والوں میں جنین اسپتال کے سرجیکل اسپیشلسٹ ڈاکٹر اسید جبرین بھی شامل ہیں جنہیں ہسپتال کے قریب ہی نشانہ بنایا گیا جبکہ پروفیسر علامہ جرادات بھی شہید ہونے والوں میں شامل ہیں۔