(روز نامہ قدس ۔آنلائن خبر رساں ادارہ ) صیہونی فورسز نے تلاشی کے نام پر لوٹ مار کرتےہوئے فلسطینی شہریوں کو تشددد کا نشانہ بنایا اور متعدد کو حراست میں لےلیا۔
گزشتہ رات مقبوضہ فلسیطن کے مغربی کنارے کے شہر جنین کے مشرق میں واقع گاؤں فقعہ میں غاصب صیہونی فورسز کے ساتھ فلسطینی مزاحمت کاروں کی جھڑپوں کے دوران زہریلی گیسوں سے کئی فلسطینی شہری دم گھٹنے سے بے ہوش۔
علاقے سے موصول ہونے والی اطلاعات کے مطابق ، تشدد اس وقت شروع ہوا جب صیہونی فوج نے گاؤں پر حملہ کیا اور گھروں اور رہائشیوں پر زہریلی گیس کے شیل فائر کئے جس کے نتیجے میں متعدد فلسطینیوں کا دم گھٹ گیا۔
اسرائیلی قابض افواج نے جنین کے جنوب مغربی حصے کے قریب مغربی علاقے طانیک کی تلاشی بھی لی اور رہائشیوں کے خلاف روایتی لوٹ مار اور تشدد کا سلسلہ بھی جاری رکھا۔