(روز نامہ قدس ۔آنلائن خبر رساں ادارہ ) "ہمیں غزہ میں جنگ اور بدترین انسانی بحران کے بارے میں خدشات ہیں۔ ہم طویل المیعاد تنازعہ کو حل کرنے کے لیے واحد قابل اطلاق آپشن کے طور پر دو ریاستی حل کا مطالبہ کرتے ریں گے”۔
ریاست جمیکا کی وزیر برائے امور خارجہ اور غیر ملکی تجارت کامینا جانسن اسمتھ کابینہ کے اجلاس میں غیر قانونی صیہونی ریاست اسرائیل کے قبضے کا شکار ریاست فلسطین کو آزاد اور خودمختار ریاست تسلیم کرنے کا اعلان کرتے ہوئے کہا ہے کہ "ہم طویل المیعاد تنازعہ کو حل کرنے کے لیے واحد قابل اطلاق آپشن کے طور پر دو ریاستی حل کا مطالبہ کرتے ریں گے”۔
انہوں نے اس بات پر زور دیا کہ یہ فیصلہ اقوام متحدہ کے چارٹر کے اصولوں کے لیے جمیکا کی مضبوط وابستگی کا اظہار ہے ، جو ممالک کے مابین باہمی احترام اور پرامن بقائے باہمی کو پیدا کرنے کے ساتھ ساتھ بین الاقوامی قانون کی خودمختاری کا عکاس ہے۔
انہوں نے کہا کہ "ہمیں غزہ میں جنگ اور بدترین انسانی بحران کے بارے میں خدشات ہیں۔ نیزحکومت کے فلسطینی” اسرائیلی "تنازعے کے پرامن حل کے لیے فوجی اقدامات کے بجائے سفارتی مکالمے کے ذریعے کوششوں پر یقین رکھتی ہے۔انہوں نے غزہ کی پٹی میں فوری جنگ بندی کا مطالبہ کیا۔