جیسے جیسے اسرائیلی مظالم بڑھ رہے ہیں جذبہ مزاحمت بھی بڑھ رہا ہے، حماس

(روز نامہ قدس ۔آنلائن خبر رساں ادارہ )  اسرائیلی مظالم سے فلسطینیوں کا جذبہ مزاحمت مضبوط تر ہوگیا ہے ، فلسطینی اپنی زمین، حقوق اور قبلہ اول کی حفاظت کے لیے  پہلے سے زیادہ پر عزم ہیں، سات سالہ فلسطینی ریان سلیمان کی شہادت پر حماس کا سخت ردعمل۔

مقبوضہ فلسطین میں صہیونی ریاستی دہشتگردی کے خلاف برسرپیکار اسلامی مزاحمتی تحریک حما س نے نو عمر فلسطینی ریان سلیمان کی شہاد ت کے واقعےپر سخت ردعمل دیتے ہوئے اپنے جاری کردہ بیان میں کہا ہے کہ نہتے فلسطینیوں کے خلاف غیرقانونی صہیونی ریاست اسرائیل کے مظالم جاری ہیں ، ریان سلیمان کی شہادت اسرائیلی جبر اور اذیت پسندی کی تازہ مثال ہےجس کا علاج صرف مزاحمتی جذبے اور عمل کو تیز کرنا ہے تاکہ ناجائز قبضے سے اہل فلسطین کو جلد نجات مل جائے۔     یہ بھی پڑھیے

صہیونی فوج کی دہشتگردی، خواتین اور بچوں سمیت متعدد فلسطینی گرفتار

واضح رہے کہ سات سالہ ریحان سلیمان کی بیت الحم میں اس وقت  اپنی جان سے ہاتھ دھونا پڑے جب اسرائیلی قابض فوج اس کا پیچھا کر رہی تھی کہ اسی دوران اس دل کا دورہ پڑا اور وہ گر کر شہید ہو گیا۔