(روز نامہ قدس ۔آنلائن خبر رساں ادارہ) غزہ کے شمالی علاقے جبالیہ کیمپ میں 2 ہفتوں سے زائد عرصے سے اسرائیلی فوج کا سخت محاصرہ جاری ہے اس دوران علاقے میں خوارک اور ادویات سمیت کسی بھی شے کے داخلے پر پابندی ہے اسرائیلی جارحیت کے باعث سیکڑوں فلسطینی شہید ہوچکے ہیں جبکہ ہزاروں اپنے گھر بار چھوڑ کر محفوظ پناہ گاہوں کی تلاش میں ہیں۔
اسی دوران درندہ صفت اسرائیلی فوجیوں کی ایک ویڈیو سامنے آئی ہے جس میں انہیں نقل مکانی کرنے والے اور شہید ہونے والے غزہ کے شہریوں کے بچے کچے سامان کی لوٹ مار جاری رکھی ہوئی ہے۔
سماجی رابطوں کی مختلف ویب سائٹس پر صیہونی فوج کی ویڈیو وائرل ہیں جس میں صیہونی فوجیوں کو دیکھایا گیا ہے جو فلسطینیوں کے گھروں میں ان کی الماریوں کی تلاشی لے رہے ہیں۔
ویڈیو میں دیکھاجاسکتا ہے کہ سگریٹ منہ میں دبائے ایک اسرائیلی فوجی الماری سے لڑکیوں کی دو اسکرٹس اٹھائے ہوئے کھڑا ہے اور اپنے ساتھی فوجیوں سے رائے طلب کررہا ہے کہ کیا پہنوں؟ویڈیو میں دوسرا اسرائیلی فوجی اسکرٹس اٹھائے اپنے ساتھی کو پنک اسکرٹ پہننے کا مشورہ دیتا ہے جس پر وہ اسے پہننے کی کوشش بھی کرتا ہے۔