افسوس ہے حماس کی طاقت کا اندازہ نہیں لگا سکے: نیتن یاہو کا اعتراف

(روز نامہ قدس ۔آنلائن خبر رساں ادارہ ) اسرائیلی وزیر اعظم بن یامین نیتن یاہو نے اعتراف کیا ہے کہ اسرائیل سے حماس کی عسکری صلاحیت کا اندازہ لگانے میں بڑی غلطی ہوئی۔

امریکی میگزین کو انٹرویو دیتے ہوئے غیر قانونی صیہونی ریاست اسرائیل کے شدت پسند صیہونی وزیر اعظم نیتن یاہو کا کہنا تھا کہ غزہ جنگ کا مقصد حماس کی انتظامی اور عسکری صلاحیتوں کو مکمل طور پر تباہ کرنا ہے ہم  ایسی فتح چاہتے ہیں کہ آئندہ حماس حکومتی انتظام سنبھالنے کے قابل ہو اور نہ اسرائیل کے لیےخطرہ بنے۔

صیہونی  وزیر اعظم نے کہا کہ غزہ جنگ کا مستقبل قریب میں خاتمے کا کوئی امکان نہیں لیکن جنگ کے اختتام پر اسرائیل  غزہ شہر کا مکمل انتظام سنبھالنا چاہتا ہے۔

انھوں نے ہٹ دھرمی کا مظاہرہ کرتےہوئے کہا کہ اسرائیل خطے میں حماس سمیت ایران کے تمام اتحادیوں سے جنگ لڑرہا ہے ہم جانتے ہیں کہ علاقائی جنگ چھڑنےکے انتہائی سنگین نتائج برآمد ہوں گے تاہم ہم اس جنگ کو لڑنے کے لیے تیار ہیں۔

اسرائیلی وزیر اعظم بن یامین نیتن یاہو نے اعتراف کیا ہے کہ اسرائیل سے حماس کی عسکری صلاحیت کا اندازہ لگانے میں بڑی غلطی ہوئی جس کا نقصان ہوا ہے۔

انھوں نے مزید کہا کہ اسرائیل کے پرامن مستقبل اور سلامتی کی خاطر بطور وزیراعظم کام کرتا رہوں گا،  غزہ جنگ کے خاتمے کے بعد 7 اکتوبر 2023 کے واقعات کی تحقیقات کے لیے آزاد کمیشن تشکیل دیا جائے گا، مجھ سمیت تمام ذمہ داران کمیشن کے سامنے پیش ہونے کے پابند ہوں گے۔