(روز نامہ قدس ۔آنلائن خبر رساں ادارہ ) غاصب صیہونی فوج نے العیساویہ میں اسرائیلی فوجیوں پر حملے کے ملزم شخص کے گھر پر دھاوا بول دیا اور اس کی اہلیہ سمیت چار بچوں کو گرفتار کر لیا۔
صیہونی ریاست کے عبرانی نیوز چینل 12 نے اپنی رپورٹ میں بتایا ہے کہ اسرائیلی فوج نے 10 فروری 2023ء کو مقبوضہ بیت المقدس کے شہر العیساویہ میں ہونے اسرائیلی فوجیوں پر تیز رفتار گاڑی چڑھانے کے ملزم کا سراغ لگا لیا ہے اور گذشتہ روز اس کے گھر پر چھاپہ مار کارروائی کی گئی۔
رپورٹ میں بتایا گیا ہے کہ چھاپے کے وقت ملزم کو حراست میں نہیں لیا جاسکا جبکہ اس کی اہلیہ اور چار بچوں کو صیہونی فورسز نے حراست میں لے کر نامعلوم مقام پر منتقل کردیا ہے۔
رپورٹ میں بتایا گیا ہے کہ 10 فروری 2023ء کو مقبوضہ بیت المقدس کے شہر العیساویہ میں ایک فلسطینی کار سوار نے فوجی چیک پوسٹ پر تیز رفتار کار سے حملہ کیا جس کے نتیجے میں دو اسرائیلی ہلاک اور چار زخمی ہوگئے تھے زخمیوں میں سے تین کی حالت تشویشناک ہے اور پانچویں کی حالت خطرے سے باہر بیان کی جاتی ہے۔