موذی امراض کا شکار غزہ کے ہزاروں فلسطینی علاج سے محروم

(روز نامہ قدس ۔آنلائن خبر رساں ادارہ ) عالمی ادارہ صحت (ڈبلیو ایچ او )کی ایک تازہ رپورٹ میں انکشاف کیا گیا ہے کہ غیر قانونی صہیونی ریاست اسرائیل نے مقبوضہ فلسطین کے محصور شہر  غزہ کے  موذی امراض میں مبتلا ہزاروں فلسطینیوں کو علاج کے لیے سفر کرنے کے حق سے محروم رکھا ہوا ہے۔

ڈبلیو ایچ او کی رپورٹ میں بتایا گیا کہ غزہ میں 20,295 فلسطینی مریضوں نے 2022 میں مقبوضہ بیت المقدس ،  مقبوضہ مغربی کنارے اور ‘اسرائیل’ کے اسپتالوں میں علاج کے لیے سفر کے لیے درخواستیں جمع کرائیں ہوئی ہیں۔تاہم، صہیونی حکام نے 33 فیصد درخواستوں کو مسترد کر دیا، جس سے تقریباً 6,700 مریضوں کو براہ راست مسترد یا تاخیر سے علاج کے لیے سفر کرنے سے محروم کر دیا گیا۔

رپورٹ میں واضح کیا گیا کہ جمع کرائی گئ درخواستوں میں  29 فیصد  درخواستیں بچوں کے لیے19 فیصد 60 سال سے زیادہ عمر کے مریضوں کے لیے، 35 فیصد  کینسر کے مریضوں کے لیے، اور 47% خواتین کے مریضوں کی تھیں۔