(روز نامہ قدس ۔آنلائن خبر رساں ادارہ ) شرپسند صیہونی آبادکارو صیہونی فوج کی شہہ پر فلسطینیوں کی املاک کو بے خوفی سے تباہ کرتے ہیں ، حالیہ سال کے دوران آبادکاروں نے حملوں میں چار فلسطینیوں کو شہید جبکہ متعدد کو زخمی کردیا ہے۔
فلسطین پر غیر قانونی صیہونی ریاست اسرائیل کے جرائم پر نظر رکھنےوالی کمیٹی کے ڈائریکٹر غسان دغلس نے مقامی میڈیا کو بتایا ہے کہ گذشتہ روز درجنوں غیر قانونی صیہونی آبادکاروں نے ،مقبوضۃ مغربی کنارے کے شہر نابلس کے جنوبی قصبے اللبان الشرقیۃ پر دھاوا بولا اور فلسطینیوں کے زیتون کے باغ کو اجاڑ ڈالا ۔
غسان دغلس کے مطابق اس باغ میں کم و بیش 100 سے زائد زیتون کے درخت تھے جن میں سے آدھے سے زیادہ کو مسلح شرپسند صیہونی آبادکاروں نے کاٹ ڈالا۔
واضح رہے کہ رواں سال کے دوران صیہونی آبادکاروں نے اسرائیلی سیکیورٹی فورسز کے حفاظتی حصار میں فلسطینیوں پر درجنوں حملے کیئے ہیں جن میں املاک کے نقصان کے ساتھ چار فلسطینی شہید جبکہ متعدد زخمی ہوچکے ہیں۔