(روز نامہ قدس ۔آنلائن خبر رساں ادارہ ) قطر میں جاری فٹبال ورلڈ کپ کے دوران عرب اور مسلم دنیا سے آئے لوگوں نے جس طرح فلسطینیوں کے ساتھ اظہار یکجہتی کیا ہے وہ قابل تحسین ہے۔
مقبوضہ فلسطین میں صیہونی ریاستی ظلم و استبداد کے خلاف برسرپیکار مزاحمتی تحریک اسلامی تحریک کے سربراہ شیخ رائد صلاح نے مسجد اقصیٰ کے خلاف اسرائیلی سازشوں اور اسے یہودیانے کی منصوبوں کی سخت الفاظ میں مذمت کرتے ہوئے کہا ہے کہ فلسطینیوں نے صیہونی منصوبوں کو کبھی کامیاب نہیں ہونے دیا اور نا ہونے دیں گے۔
انھوں نے کہا کہ صہیونی ریاست کی جانب سے مسلمانوں کے مقدس مقامات کی بے حرمتی کے واقعات کے باوجود ہم اسرائیل کے ان سازشی منصوبوں کو ناکام بنائیں گے۔
انہوں نے دوحہ میں ورلڈ کپ کے دوران عرب اور مسلم دنیا سے آئے لوگوں نے جس طرح فلسطینیوں کے ساتھ اظہار یکجہتی کیا ہے وہ قابل تحسین ہے۔
واضح رہے اسرائیلی فوجیوں نے مسجد اقصی کی بے حرمتی کے واقعات کو غیر معمولی طور پر بڑھا دیا ہے۔ یہودی تعطیلات کے تناظر میں مزید تیز کر دیا گیا ہے۔
یہودی معبد کی تعمیر کی مہم چلانے والے گروپ نے 18 دسمبر یہودی تہوار کے موقع پر مسجد اقصیٰ کے خلاف ایک بڑی مہم کا فیصلہ کیا ہے۔
اس روز بڑی تعداد میں یہودیوں کو مسجد اقصیٰ میں جمع کیا جانے کا اشتعال انگیز اعلان کیا گیا ہے۔ دوسری جانب فلسطینی عوام نے بھی اپیل کی ہے کہ فلسطینی بھی زیادہ سے زیادہ تعداد میں مسجد اقصٰی میں اپنی حاضری یقینی بنائیں۔