(روز نامہ قدس ۔آنلائن خبر رساں ادارہ ) اسرائیلی پارلیمنٹ کے منظور کردہ بل کے مطابق اسرائیلی سیکیورٹی فورسز اور اسرائیل کے خلاف کسی بھی سرگرمی میں ملوث فلسطینی کی شہریت منسوخ کردی جائے گی۔
غیر قانونی صیہونی ریاست اسرائیل کے ذرائع ابلاغ کی رپورٹ کےمطابق اسرائیلی پارلیمنٹ (کنیسٹ ) میں ایک بل منظو ر کیا گیا جس کے تحت فلسطینی مزاحمتی جنگجوؤں کی شہریت منسوخ کر دی گئی ہے اور وہ فلسطینی اتھارٹی سے ادائیگیاں بھی وصول نہیں کرسکیں گے۔
کنیسٹ میں حزب اختلاف کی جانب سے بھی حمایت یافتہ بل میں بتایا گیا ہے کہ یہ قانون صیہونی ریاست کے شہریوں اور مستقل رہائشیوں پر بھی لاگو ہوتا ہے جو اسرائیلی کی سیکیورٹی فورسز اور اسرائیل کے خلاف کسی بھی قسم کی سرگرمیوں میں ملوث ہوں گے ۔
اس قانون کے مطابق جو کوئی بھی اس قانون کے تحت سزا کا مستحق قرار پایا اس کو قید کے بعد اسرائیل سے بے دخل کردیا جائے گا اور آئندہ اس کو اسرائیل میں داخل نہیں ہونے دیا جاے گا۔