(روز نامہ قدس ۔آنلائن خبر رساں ادارہ ) گرفتار ہونے والوں میں 119 بچےجن میں سے اکثریت اٹھارہ سال سے کم عمر کی ہے 30 خواتین اور 32 بزرگ شہری شامل ہیں۔
زیر حراست اور سابق قیدیوں کے امور کے کمیشن، پرزنرز کلب، قیدیوں کی دیکھ بھال اور انسانی حقوق کے لیے قائم ادامیر فاؤنڈیشن، اور وادی ھلوہ انفارمیشن سینٹر کی جانب سے جاری کردہ مشترکہ رپورٹ میں انکشاف کیا گیا ہے کہ غیر قانونی صہیونی فورسز نے گزشتہ ماہ اکتوبر کے دوران خواتین بچوں اور بزرگ فلسطینیوں سمیت 700 افراد کو حراست میں لیا۔
اس وقت اسرائیلی جیلوں میں قید فلسطینیوں کی مجموعی تعداد چار ہزار سات سو ساٹھ کے قریب ہے جن میں 33 خواتین، تقریباً 160 نابالغ اور 820 وہ قیدی شامل ہیں جو انتظامی حراست کی غیر قانونی پالیسی کے تحت بغیر کسی جرم کے قید ہیں۔