(روز نامہ قدس ۔آنلائن خبر رساں ادارہ ) پوری دنیا کے سامنے نوجوان نہتے فلسطینی کا قتل ایک گھناؤنا جرم عالمی برادری کو دہشتگردی صہیونی ریاست کو انصاف کے کٹہرے میں لانا چاہئے۔
فلسطین کی سرکاری خبر رساں ادارہ وفا کے مطابق فلسطینی وزارت صحت نے ایک مختصر بیان میں بتایا کہ ہے کہ مقبوضہ مغربی کنارے کے قصبے حوارہ میں صہیونی فوجی نے ایک بائیس سالہ نہتے فلسطینی نوجوان عمار مفلح کو سرعام گولیاں مار کر شہید کردیا۔
دوسری جانب سماجی رابطوں کی مختلف ویب سائٹ پر وائرل ہونے والی ویڈیوز میں دیکھا جاسکتا ہے کہ ایک صہیونی فوجی فلسطینی نوجوان پر سرعام تشدد کررہا تھا اس دوران فلسطینی نوجوان نے مزاحمت کی جس پر صہیونی فوجی نے نوجوان کو پے درپےگولیاں مار کر زخمی کردیا اور طبی امداد فراہم کرنے سے بھی روک دیا جس کے باعث خون بہہ جانے کی وجہ سے نوجوان کی شہادت ہوگئی۔
انسانی حقوق کی تنظیموں نے صہیونی ریاستی دہشتگردی کی شدید مذمت کرتےہوئے کہا ہے کہ پوری دنیا کے سامنے نوجوان نہتے فلسطینی کا قتل ایک گھناؤنا جرم عالمی برادری کو دہشتگردی صہیونی ریاست کو انصاف کے کٹہرے میں لانا چاہئے۔