صہیونی فوج نے قصبہ قصرہ کا غیر اعلانیہ محاصرہ کرلیا

(روز نامہ قدس ۔آنلائن خبر رساں ادارہ ) صہیونی فوج نے قصبہ  قصرہ کے داخلی اور خارجی راستوں کو بند کرتے ہوئے مکینوں کو محصورکردیا ، اشیاء خورونوش کے ساتھ ساتھ میڈیکل اسٹورز اور اسپتال بھی بند کرادیئے۔

صہیونی ریاستی دہشتگردی اور اسرائیلی غیرقانونی بستیوں کی تعمیر پر نظر رکھنے والی کمیٹی کے رکن فواد حسن نے بتایا ہے کہ غیر قانونی صہیونی ریاست اسرائیل کی فوج نے آج بروز ہفتہ مقبوضہ فلسطین کے شہر  نابلس کے جنوب میں واقعہ قصبہ قصرہ  کا غیر اعلانیہ محاصرہ کرلیا اور داخلی اور خارجی راستوں کو بند کردیا۔

انھوں نےبتایا کہ غیر اعلانیہ محاصرے سے فلسطینیوں کو اشیاءخورونوش کی قلت ہوگئی ہے جبکہ صہیونی فورسز نے میڈیکل اسٹورز کے ساتھ اسپتالوں کو بھی بند کرنے کا حکم دیا ہے۔