(روز نامہ قدس ۔آنلائن خبر رساں ادارہ ) گھروں سے اغواکئے جانے والے کم سے کم 21 فلسطینیوں میں سے زیادہ تر طلبا ہیں جن کو نامعمول مقام پرمنتقل کردیا گیاہے۔
فلسطین پر قابض غیر قانونی صیہونی ریاستی کی نام نہادسیکیورٹی فورسز نے آج صبح مقبوضہ مغربی کنارے کے مختلف علاقے جن میں سلواد اور بیت ریمابھی شامل ہیں جہاں فلسطین اتھارٹی کی مکمل عملداری سمجھی جاتی ہے میں چھاپہ مار کارروائیاں شروع کی اور کم سے کم 21 فلسطینیوں کو اغوا کرلیا۔
صیہونی فوج کی جانب سے جاری کردہ بیان میں کہا گیا ہے کہ حراست میں لئے گئے فلسطینی اسرائیل کی سلامتی کے خلاف سرگرمیوں کی منصوبہ بندی کررہے تھے جبکہ دوسری جانب مقامی ذرائع کا کہنا ہے کہ حراست میں لئے گئے افراد میں زیادہ تر طلبا ہیں۔