(روزنامہ قدس ۔آن لائن خبر رساں ادارہ) صہیونی فوج نے فلسطینی باشندے کی املاک کو بغیر کسی نوٹس کے غیر قانونی تجاوز قرار دے کر گرادیا اورفلسطینی کو گرفتاری کی دھمکیاں دیں۔
ذرائع کے مطابق گذشتہ روز مقبوضہ فلسطین میں قابض فوج نے بلدیاتی ادارے کے بھاری بلڈوزروں کی مدد سے مغربی کنارے کے شہراریحہ میں العوجہ گاؤں کے رہائشی فلسطینی باشندے عطا اللہ کعابنہ کے زیر تعمیر مکان کو مسمار کردیا۔
عینی شاہدین نے بتایا کہ صہیونی فوج نے علاقے میں داخل ہو کررہائشیوں کے مکانات کی تلاشی کا سلسلہ شروع کر دیا اور جس کے ساتھ ہی متعدد افراد کو گھروں سے نکال کروحشیانہ تشدد کا نشانہ بناتے ہوئے زیر تعمیر فلسطینی کے مکان اور اس سے ملحقہ دکان کو گرانا شروع کر دیا۔
صہیونی فوج نے فلسطینی باشندے کی املاک کو بغیر کسی نوٹس کے غیر قانونی تجاوز قرار دے کر گرادیا جس کے نتیجے میں عطا اللہ کعبانہ نے صہیونی فوج کو اس اقدام سے روکنے کی کوشش کی تاہم اسلحہ بردار صہیونی فوجیوں نے عطا اللہ اور ان کے ساتھیوں کو تشدد کا نشانہ بنایااور انہیں گرفتاری کی دھمکیاں دیں۔