(روز نامہ قدس ۔آنلائن خبر رساں ادارہ ) صہیونی فوج نے شہید کے اہلخانہ کو حراست میں لینے کے ساتھ ساتھ گھر کے پاس سے شہید کی تصاویر، جھنڈے اور بینرز ضبط کر لیے۔
فلسطینی ذرائع کے مطابق آج صبح غیر قانونی صہیونی ریاست اسرائیل کی فوج نے مقبوضہ بیت المقد س کے شہر رام اللہ کے مشرق میں واقع دیر جریر میں شہید قیس شیجائیہ کے گھر پر دھاوا اور اہلخانہ کو حراست میں لے لیا ۔
گذشتہ جمعے کی شام حماس کے عسکری ونگ عزالدین القسام بریگیڈ سے تعلق رکھنے والے نوجوان قیس شیجائیہ کو قابض فوج نے رام اللہ کے شمال میں، وسطی مقبوضہ مغربی کنارے میں تعمیر کردہ غیر قانونی صہیونی بستی "بیت ال” پر فائرنگ کرنے کے بعد گولیاں مار کر شہید کر دیا تھا۔