اسرائیلی فوج نے فلسطینی انجینئر عمر محمد کو گھر سے اغواء کرلیا

(روز نامہ قدس ۔آنلائن خبر رساں ادارہ ) عمر محمد زیربیت یونیورسٹی کا طالب علم ہے آئی ٹی انجینئرینگ کے فائنل  ایئر میں ہے۔

فلسطینی ذرائع کا کہنا ہے کہ آج صبح  بروز ہفتہ غاصب صہیونی فورسز نے  مقبوضہ بیت المقدس کے شمال مغرب میں واقع گاؤں بیت دقو سے زیربیت یونیورسٹی کے آئی ٹی انجینئرینگ کے فائنل  ایئر کے 28 سالہ طالب علم عمر محمد کو ان کے گھر سے اغو ء  کرکے  نامعلوم مقام پر منتقل کردیا ہے۔

یہ بھی پڑھیے

رواں سال اسرائیل نے 500 کے قریب فلسطینیوں کو بے گھر کیا

عمر  محمد کے اہلخانہ کا کہنا ہے کہ اسرائیلی فوجیوں نے صبح 4 بجے کے قریب گھر پر دھاوا بولا ، تلاشی کے نام پر روایتی لوٹ مارکی اور  عمر محمد کو اپنے ہمراہ لے گئے ، انھوں نے بتایاکہ اس چھاپے کی کوئی اطلاعات اور وجوہات نہیں بتائی گئی اور نا ہی یہ بتایاگیا ہے کہ اس کو کس جرم میں اور کہاں لے جایاجارہا ہے۔