(روز نامہ قدس ۔آنلائن خبر رساں ادارہ ) صہیونی فورسز نے ایک مکان کو گھیرے میں لے کر چاروں جانب سے گولیاں برسائیں ساتھ ہی بلڈوزر سے مکان کی دیواریں گرادیں جس کے باعث ایک فلسطینی شہید اور تین زخمی ہوگئے۔
فلسطینی وزارت صحت کے مطابق مقبوضہ مغربی کنارے کے شمالی شہر نابلس میں دیر الحطب کے مقام پر عسکرکیمپ میں غاصب صہیونی ریاست کی فوج نے ایک مکان پر حملہ کیا اور چاروں جانب سے گھیرنے کے بعد بلڈوزر سے اس کی دیواریں گرادیں ۔ صہیونی فوج کی فائرنگ سے 21 سالہ علاء ناصر احمد زغال سر پر تین گولیاں لگنے سے موقع پر شہید ہوگیا جبکہ دیگر تین فلسطینی زخمی ہوگئے۔
یہ بھی پڑھیے
صہیونی فوج کی فائرنگ سے چودہ سالہ فلسطینی بچہ زخمی
فلسطینی ہلال احمر کی جانب سے جاری کردہ بیان میں بتایا گیا ہے کہ اسرائیلی فوجیوں نے آپریشن کے بعد زخمیوں کو طبی امداد فراہم کرنے کی اجازت نہیں دی۔