(روز نامہ قدس ۔آنلائن خبر رساں ادارہ ) غیر قانونی صہیونی سرگرمیوں اور فلسطینی زمینوں پر ناجائز یہودی آبادکاری کے خلاف احتجاج کرنے والوں پر غاصب فورسز نے حملہ کیا اور متعدد کو زخمی کردیا۔
تفصیلات کے مطابق گذشتہ روز مقبوضہ بیت المقدس کے مشرقی شہر نابلس کے علاقے حووارہ میں سیکڑوں فلسطینیوں نے غیر قانونی صہیونی سرگرمیوں، فلسطینیوں کی زمینوں پر ناجائز صہیونی بستیوں کی مسلسل تعمیر اور فلسطینیوں کے گھروں میں لوٹ مار کے خلاف پر امن احتجاج کیا۔
یہ بھی پڑھیے
جنگ بندی کے باوجود غزہ کے داخلی اور خارجی راستے بدستور بند
مظاہرین کو منتشر کرنے کے لئے صہیونی فورسز نے طاقت کا بھرپور استعمال کرتےہوئے پہلے آنسو گیس کی شیلنگ کی اور اس کے بعد مظاہرین پر براہ راست ربڑ کی گولیاں چلائیں جس کے نتیجے 17 بچوں سمیت کم از کم 56 فلسطینیوں کے زخمی ہونے کی اطلاعات ہیں