(روز نامہ قدس ۔آنلائن خبر رساں ادارہ ) فلسطینی بچی کو صہیونی فورسز نے چار گولیاں ماری جس میں سے ایک سر پر لگی جو جان لیوا ثابت ہوئی۔
اتوار کے روز مقبوضہ مغربی کنارے کے شہر جنین میں مشرقی محلے میں صہیونی فورسز نے دھاوا بولا اور آنسو گیس کی شیلنگ کے ساتھ براہ راست فائرنگ کی جس سے 16 سالہ جنی مجدی عصام زکارنا شہید ہوئی جبکہ متعدد فلسطینی زخمی ہوئے۔
شہید فلسطینی بیٹی کو گذشتہ روز جنین کے قبرستان میں سپرد خاک کر دیا ہے۔ شہید فلسطینی بیٹی کا جنازہ پہلے ہسپتال سے اس کے گھر لے جایا گیا اور پھر قبرستان روانہ ہوا جس میں ہزاروں فلسطینیوں نے شرکت کی۔
جنازہ کے شرکاء نے غاصب صہیونی ریاست کے سنگین جرائم کی مذمت کرتے ہوئے نعرے لگائے اور مطالبہ کیا کہ صہیونی ریاست فلسطینی عوام کے خلاف اپنے مسلسل سنگین جرائم سے باز آجائے۔