(روز نامہ قدس ۔آنلائن خبر رساں ادارہ )آٹھ ماہ قبل ہیکرز نے جنگی یونٹوں میں شامل ہونے کے لیے نامزد صہیونی فوجیوں کے نام پتے، ان کی رہائش گاہیں، ان کے سیل فون نمبرز ،ای میل اکاؤنٹس کے ساتھ ساتھ ان کی ذاتی تفصیلات بھی جاری کی تھیں۔
غیر قانونی صہیونی ریاست اسرائیل کے عبرانی زبان کے معروف چینل “کان ” نے اپنی رپورٹ میں انکشاف کیا ہے کہ صہیونی فوجی تنصیبات گذشتہ ایک سال سے عصاء موسیٰ نامی ہیکرز گروپ سے اپنی اہم تنصیبات چھڑانے میں ناکام ہیں اور اب یہ گروپ صہیونی ریاست کے سیکورٹی کیمروں کو کنٹرول کررہا ہے لیکن صیہونی فوج نے ان کو روکنے میں ناکام ہے ۔
چینل نے اپنی رپورٹ میں انکشاف کیا ہے کہ ہیکر گروہ نےاسرائیل کے مختلف علاقوں کی فوجی تنصیاب کی فلمیں اور گزشتہ ماہ ہونے والے حملوں کی ویڈیو ز بھی جاری کی تھیں ۔ ان میں سے ایک ویڈیو کلپ میں رافائل فوجی کمپنی کے اردگرد کا علاقہ دکھایا گیا ہے جو حیفا کے علاقے میں واقع ہے ،اسی طرح سے بیت المقدس اور تل ابیب کے سی سی ٹی وی کیمروں کی ہیک شدہ ویڈیوز بھی نشر کی گئی ہیں۔
صیہونی ٹی وی کان کی رپورٹ کے مطابق یہ ہیکر گروہ عصاء موسی کیمروں کا کنٹرول سنبھالنے کے بعد انہیں مختلف سمتوں میں حرکت دینے اور زوم کرنے کی صلاحیت بھی رکھتا ہے۔
واضح رہے کہ اسرائیلی ذرائع کا کہنا ہے کہ عصاء موسیٰ نامی ہیکرز گروپ کا تعلق ایران سے ہے جس کا مقصد اسرائیلیوں کے اجتماعی شعور کو متاثر کرنے کے ساتھ ساتھ اسرائیل کی اہم فوجی تنصیبات کی حساس معلومات عام کرنا ہے۔