(روز نامہ قدس ۔آنلائن خبر رساں ادارہ ) صہیونی میڈیا نے کہا ہے کہ اسرائیلی فوج کی بھرپورکارروائیوں کے باوجود فلسطینی مزاحمت کاروں کے حملوں میں کمی آنے کے بجائے تیزی دیکھنے میں آرہی ہے۔
غیر قانونی صہیونی ریاست اسرائیل کے عبرانی زبان کے معروف نیوز چینل “کان” نے اپنی رپورٹ میں انکشاف کیا ہے کہ اسرائیلی فوج اور شہری فلسطینی مزاحمت کاروں کے حملوں سے گہری مایوسی کا شکار ہے ، رپورٹ میں بتایا گیا ہے کہ گذشتہ روز اسرائیلی قابض فوج کو مقبوضہ مغربی کنارے کے شمال میں فلسطینی مزاحمتی جنگجوؤں کی طرف سے فائرنگ کا نشانہ بنایا گیا۔فلسطینی بندوق برداروں نے شمالی مغربی کنارے میں فقوعہ گاؤں کے قریب "رابطہ لائن” پراسرائیلی فوج کی الناحل بریگیڈ کی ایک فورس پر فائرنگ کی تاہم اس حملے میں کسی صہیونی فوجی کے جہنم واصل ہونے کی اطلاع نہیں ملی۔
یہ بھی پڑھیے
اسرائیلی فوج پر 24 گھنٹوں میں فلسطینی مزاحمت کاروں کے 12 حملے
واضح رہے کہ گذشتہ ایک ماہ کے دوران فلسطینی مزاحمت کاروں کی جانب سے صہیونی آبادکاروں سمیت اسرائیلی سیکیورٹی فورسز پر درجنوں حملے کئے جاچکے ہیں جس میں چار صہیونی آبادکاروں سمیت 3 فوجی ہلاک ہوئے ہیں اور 10 کے قریب زخمی ہوئے ہیں ۔