(روز نامہ قدس ۔آنلائن خبر رساں ادارہ ) غاصب فوجیوں نے اسکول پر آنسو گیس کی بدترین شیلنگ کی اور ربڑ کی گولیاں چلائیں، اساتذہ اور طالب علموں کو زدوکوب کرنے کے بعد آٹھویں جماعت کے دو طالب علموں کو گرفتار کرلیا۔
تفصیلات کےمطابق گذشتہ روز غاصب صہیونی فوج نے مغربی کنارے کے شہر الخلیل میں مسجد ابراہیمی کے قریب قائم الهاجریہ اسکول پر دھاوا بولا ، آنسوگیس کی بدترین شیلنگ کرتے ہوئے اساتذہ اور طلبہ کو زدوکوب کیا، صہیونی فوج نے آٹھویں جماعت کے دو طالب علموں کو گرفتار کرکے حراستی مرکز منتقل کیا تاہم دو گھنٹوں کی تفتیش کے بعد دونوں کو رہا کردیا گیا ۔